Perfidos, Schiiheilige und weitere Gäste

Am grossen Schnitzelbankabend traten am Freitag zwei Würenlinger und drei regionale Gruppen auf. Sie taten das erstmals in der Dorfschüür, wo eine tolle Stimmung herrschte und es mehr Platz gab als in den Dorfrestaurants. Am Montag waren dann die einheimischen Perfidos und die Schiiheilige ­nochmals in den Gaststuben von «Frohsinn» und «Sternen» zu hören. Sie nahmen dabei mit lustigen oder auch mal bissigen Sprüchen so ­manches aufs Korn, von der ­Parkordnung im Dorf bis zur ­Präsidentenwahl in den USA.

Würenlinger Schnitzelbänke

Perfidos
McDonald’s in Würenlingen
Sonne und Bäre sind scho lang verbliche.
Au s Mina hät sini Sägel gschtriche!
Zom grosse Glück für Würelinge
wird jetzt McDonald’s i d Lücke schpringe!
Wills det gmüetlich isch und de Food so fein
wird da dänn d Schtamm-Beiz vo de Dorf-Verein!

Ständeratswahl
D Binderi hät quasi mit eme Cinquecento-Chaare
de 40-Tönner Giezedanner über de Hufe gfahre!

Donald und Mickey for President
Bald wähled d Amis de neu Präsidänt.
Läck! Wa die für zwee Kandidate händ!
De eint kriminell – de ander senil!
Für e Wältmacht händ die tolli Profil!
Di gschiidre Kandidate für White House
wäred klar de Donald Duck und de Mickey Mouse!

Di Schiiheilige
Blaui Zone
Vom Beizer bis zum Zimmermann,
wötsch a d Gmeind, so muesch e Schiibe ha.
Au de fuuli Amme goht nöd z Fuess
und hät am Auto gha e Buess.
Tuets Gmeind drum retour gä?
Dass es de Patrick nöd mues uf d Spese nä.

KI
D Computer händ jetzt redä glehrt und alli sind scho voll däbii,
au mer schriibed üsi Vers nöm selber, nei, das macht KI.
Nur de Trump verspricht, dass es bi ihm,
und das findet mir de Hit, statt künstlicher Intelligenz
no echti Dummheit git.